Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
11-11-2020, 14:45   Хэсэг: Мэдээлэл   Сэтгэгдэл: 0  

ШУУРХАЙ АРГА ХЭМЖЭЭ АВАХ ТУХАЙ ЗӨВЛӨМЖ

ШУУРХАЙ АРГА ХЭМЖЭЭ АВАХ ТУХАЙ ЗӨВЛӨМЖ

 

 

     Шүүхийн ерөнхий зөвлөлөөс Анхан болон давж заалдах шатны шүүхийн Ерөнхий шүүгч, Тамгын газрын дарга нарт шуурхай арга хэмжээ авах тухай зөвлөмж хүргүүллээ. Тус зөвлөмжид:

     Монгол Улсад 2020 оны 11 дүгээр сарын 11-ний өдрийн байдлаар коронавируст (COVID-19) халдвар дотооддоо тархсан, лабораторийн шинжилгээгээр батлагдаад байгаатай холбогдуулан Улсын Онцгой комиссын 2020 оны 11 дүгээр сарын 11-ний өдрийн 12 дугаар тогтоолоор зорчигч тээврийн хэрэгслийн гарах хөдөлгөөн, бүх шатны боловсролын байгууллагын хичээл, сургалт, үзвэр үйлчилгээ, цахим болон хүүхдийн төвүүдийн үйл ажиллагааг 11 дүгээр сарын 11-ний өдрийн 02:00 цагаас 11 дүгээр сарын 13-ны 23:00 цаг хүртэл түр хугацаагаар зогсоох шийдвэр гаргаад байна.

    Иймд уг тогтоолыг хэрэгжүүлэх, коронавируст халдвар тархах, болзошгүй бусад эрсдэлээс урьдчилан сэргийлэх зорилгоор хууль тогтоомжид нийцүүлэн дараах арга хэмжээг өөрийн эрх хэмжээний хүрээнд нэн даруй авч хэрэгжүүлэхийг зөвлөж байна. Үүнд:

  • Шүүн таслах ажиллагааны зохион байгуулалттай холбоотой аливаа шийдвэрийг Монгол Улсын хууль тогтоомж, Засгийн газар, Улсын онцгой комисс, тухайн орон нутгийн засаг захиргааны байгууллагын шийдвэрт нийцүүлж гаргах, зохион байгуулалтын яаралтай арга хэмжээ авах,
  • Шүүх хуралдааныг 2020 оны 11 дүгээр сарын 13-ны өдрийг дуустал түр хойшлуулах, зарлахгүй байх, шүүх хуралдааныг зайлшгүй явуулах шаардлагатай бол халдвар хамгаалалтын дэглэмийг чанд баримтлах, шүүх хуралдаанд оролцогчдын овог, нэр, утасны дугаар, гэрийн хаягийг бүртгэж авах,
  • Нэхэмжлэлийг шуудангаар авах, хүсэлт, гомдлыг шүүхийн цахим шуудангаар хүлээн авах,
  • Давж заалдах шатны шүүхийн хувьд хуульд зааснаас бусад тохиолдолд оролцогч ирээгүй үед шүүх хуралдаан явуулах хуулийн зохицуулалтыг баримтлах,  
  • Шүүх хуралдааныг хойшлуулсан бол хэргийн оролцогчдод нэн даруй мэдэгдэх,
  • Энэ чиглэлээр өөрийн цахим хуудас, орон  нутгийн хэвлэл мэдээллийн хэрэгслээр шүүхийн үйлчлүүлэгч, хэргийн оролцогч нарт хандан уриалга гаргах,
  • Шүүгч, ажилтныг олноор суулгахгүй байх, хүндэтгэн үзэх шалтгаантай албан хаагчдыг ажлын цагт нь тараах замаар шүүгч, ажилтан, шүүхээр үйлчлүүлж буй иргэдийн эрүүл  мэндийг нэн тэргүүнд анхаарах,
  • Шүүгч, ажилтныг амны хаалт, бусад хамгаалах хэрэгслээр хангах,
  • Шүүхийн байранд нэвтэрч буй иргэдэд амны хаалт заавал зүүх шаардлага тавих, биеийн халууныг тогтмол хэмжих ажлыг шүүхийн байранд шуурхай зохион байгуулах,
  • Дээрх хугацаанд байгууллагын хэмжээнд хариуцлагатай жижүүр томилон ажиллуулж, Шүүхийн ерөнхий зөвлөл дэх жижүүрийн багтай тогтмол мэдээлэл солилцон ажиллах,
  • Халдварын эрсдэлээс урьдчилан сэргийлэхэд шаардлагатай бусад арга хэмжээ.

Цаашид Шүүхийн ерөнхий зөвлөлөөс Улсын онцгой комиссын шийдвэрийг хэрэгжүүлэх талаар тухай бүр Та бүхэнд мэдээллийг хүргэх болно гэжээ. Зөвлөмжийг бүрэн эхээр нь энд дарж үзнэ үү.

 

 

Шүүхийн хэвлэл мэдээллийн хэлтэс

 

Нийтэлсэн erka   Үзсэн: 9   |   Сэтгэгдэл: 0
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Шүүхийн үйлчилгээний талаарх таны үнэлгээ?


 
 
Хандалт
Бидэнтэй нэгдээрэй
  |  
«    Ноябрь 2020    »
ПнВтСрЧтПтСбВс
 1
2345678
9101112131415
16171819202122
23242526272829
30