Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
6-12-2018, 21:14   Хэсэг: Мэдээлэл   Сэтгэгдэл: 0  

Шүүхийн тамгын газрын дарга нар мэргэшлийн түвшин, ур чадвараа үнэлүүллээ

Монгол Улсын нийт шүүхийн тамгын газрын дарга нар өнөөдөр (2018.12.06) мэргэшлийн түвшин, ур чадвараа үнэлүүлэх шалгалт өглөө. Монгол Улсын сайд, Засгийн газрын Хэрэг эрхлэх газрын дарга Г.Занданшатар, Төрийн албаны зөвлөлийн дарга Б.Цогоо нарын хамтарсан тушаалын дагуу Төрийн албаны тухай (шинэчилсэн найруулга) хуулийг хэрэгжүүлэх бэлтгэл ажлыг хангах, төрийн жинхэнэ албан хаагчийн үйл ажиллагаа, мэргэшлийн түвшинг үнэлэх ажлын хүрээнд хуулийн болон мэдээллийн технологийн шалгалтыг Инновацийн төвийн байранд авсан.
 

Мөн шүүхийн тамгын газрын дарга нар хэргийн хөдөлгөөний удирдлагыг хэрэгжүүлэх үйл ажиллагааны хүрээнд эрүү, иргэн, захиргааны хэргийн хөдөлгөөний мэдлэг, чадварын шалгалтыг Шүүхийн ерөнхий зөвлөлийн байранд өглөө.
 

Шүүхийн захиргааны байгууллагын удирдах ажилтны зөвлөгөөний хөтөлбөрт тусгаснаар шалгалтын дараа тамгын газрын дарга нарт зориулсан сургалт үргэлжилнэ. Шүүхийн дунд хугацааны хөгжлийн баримт бичгийн төслийн зорилго агуулга, хэргийн хөдөлгөөний удирдлагыг үр нөлөөтэй хэрэгжүүлэх, Төрийн албаны тухай (шинэчилсэн найруулга) хуулийн хэрэглээ, албан тушаалын тодорхойлолт батлах, үйл ажиллагааны төлөвлөлт, хяналт, үнэлгээ, сахилга, ёс зүй зэрэг сэдвүүдээр сургагч багш, Шүүхийн ерөнхий зөвлөлийн Ажлын албаны нэгжийн удирдлагууд мэдээлэл өгч, сургалт явуулах юм.
 
Шүүхийн хэвлэл мэдээлэл, олон нийттэй харилцах хэлтэс
Нийтэлсэн erka   Үзсэн: 301   |   Сэтгэгдэл: 0
ХЭВЛЭХ
Төсөөтэй мэдээлэл:
Иргэн танд
Санал асуулга
 

Ярилцлага

Шүүхийн үйлчилгээний талаарх таны үнэлгээ?


 
 
Хандалт
Бидэнтэй нэгдээрэй
  |  
«    Декабрь 2021    »
ПнВтСрЧтПтСбВс
 12345
6789101112
13141516171819
20212223242526
2728293031